Բելառուսից հեռացած ընդդիմադիրները չեն ուզում խաղաղ ցույցեր, նրանք արյան ծարավ են: Այս հայտարարությամբ է հանդես եկել Ռուսաստանի արտգործնախարար Սերգեյ Լավրովը: Նրա խոսքերը մեջբերում է ՌԻԱ գործակալությունը:
Արտգործնախարարը կասկածում է, որ, Արևմուտքում ապրելով, նրանք այնտեղից փորձում են ազդել իրենց երկրի իրադարձությունների վրա, ցանկանում են հրահրել բելառուսական անվտանգության աշխատակիցների արձագանքը, «ովքեր այժմ ոչ ոքի ձեռք չեն տալիս և չեն միջամտում խաղաղ ցույցերին»:
Լավրովը շեշտել է, որ Ռուսաստանը դա համարում է հանցավոր:
Ավելի վաղ նախարարն ասել էր, որ Բելառուսում իրավիճակը կայունանում է՝ նշելով, որ դա բոլորին դուր չի գալիս:
