Այս շաբաթվա սկզբից Գազայի հատվածից պաղեստինյան արմատականները ավելի քան 1,6 հազար հրթիռ են արձակել Իսրայելի ուղղությամբ, իսկ իսրայելցի զինվորականները պատասխանել են՝ հարվածելով 600 ռազմական թիրախների Պաղեստինի ափամերձ անկլավում: Այս մասին հինգշաբթի օրը օտարերկրյա լրագրողների համար ճեպազրույցում հայտարարել է Իսրայելի պաշտպանության ուժերի խոսնակ Ջոնաթան Կոնրիկուսը:
«Մի քանի օրվա ընթացքում Գազայի հատվածից ավելի քան 1,6 հազար հրթիռ է արձակվել Իսրայելի տարբեր քաղաքների ուղղությամբ, ի պատասխան Իսրայելի պաշտպանության ուժերը մինչ օրս խոցել են հատվածի արմատականների ավելի քան 600 ռազմական թիրախ», ասել է Կոնրիկուսը:
Նա նշել է, որ երկուշաբթի օրվանից Իսրայելում վեց խաղաղ բնակիչ և մեկ զինծառայող է զոհվել Գազայի հատվածից հրթիռային հարվածների արդյունքում:
