Դամասկոսը վերահսկողության տակ առնելուց հետո ահաբեկիչները մուտք են գործել Սիրիայի ՊՆ շենք, ինչպես նաև նախագահական պալատի համալիր:
Ահաբեկիչների առաջնորդ Աբու Մուհամմադ ալ Ջոլանին կարգադրել է հասարակական և կառավարական գույքի վրա չհարձակվել, սակայն հրոսակները մտել են Դամասկոսում նախագահ Բաշար ալ Ասադի տուն և թալանել այն. հայտնում է Tasnim գործակալությունը:
Այսօր առավոտյան ահաբեկչական խմբավորումների զինյալները մտել են Դամասկոս։
Al Jazeera հեռուստաալիքի փոխանցմամբ՝ կառավարական ուժերը լքել են քաղաքի կենտրոնը։ Զինված խմբավորումները նոյեմբերի վերջին սկսել են լայնածավալ հարձակում սիրիական բանակի դիրքերի դեմ։
Զինված ահաբեկչական խմբավորումները վերահսկողության տակ են վերցրել Սիրիայի մայրաքաղաք Դամասկոսի բանտը և ազատ են արձակել բոլոր բանտարկյալներին, այսամենի ֆոնին դամասկոսի միջազգային օդանավակայանը դադարեցրել է թռիչքների ընդունումն ու ճանապարհումը: Զինյալները վերահսկողության տակ են վերցրել Դամասկոսը։ Համացանցում կադրեր են հրապարակվել, թե ինչպես են մարդիկ փախչում օդանավակայանից:
Դեկտեմբերի 7-ի երեկոյի դրությամբ Սիրիայի նախագահ Բաշար ալ Ասադի հակառակորդները գրավել են մի քանի խոշոր քաղաքներ՝ Հալեպը, Համա, Դեյր էզ Զորը, Դարաան և Հոմսը։
