Կուբայի բնակիչների`խաղաղ բողոքի և իրենց ապագան որոշելու իրավունքը պետք է հարգվի իշխանությունների կողմից․ ասվում է ԱՄՆ նախագահ Ջո Բայդենի հայտարարության մեջ:
«․․․Այս իրավունքները, ներառյալ խաղաղ բողոքների իրավունքը և իրենց ապագան ազատորեն որոշելու իրավունքը, պետք է հարգվեն: ԱՄՆ-ը Կուբայի ռեժիմին կոչ է անում այս կարևոր պահին լսել իր ժողովրդին և սպասարկել նրանց կարիքները, այլ ոչ թե հարստանալ», ասել է Բայդենը:
Կիրակի օրը Կուբայի պետական հեռուստատեսությունը հաղորդեց, որ հանրապետության մի քանի քաղաքներում անկարգություններ են սկսվել, որոնց մասնակիցները կողոպտել են մի շարք խանութներ:
