Բաթումիում փլուզվել է բնակելի շենքի մի մասը

Բաթումի քաղաքում Մայիսի 26 փողոցում փլուզվել է հինգ հարկանի բազմաբնակարան շենքի մի մասը: Այդ մասին այսօր հայտնել է batumelebi.ge տեղական լրատվական գործակալությունը:

Թե ինչն է դարձել փլուզման պատճառը, դեռ անհայտ է: Տեղում աշխատում են շտապ օգնության բրիգադները, հրշեջ-փրկարարները:

Նախնական տեղեկություններով՝ փլատակների տակ կարող են լինել մարդիկ, այդ թվում՝ երեխաներ: Ականատեսների վկայությամբ՝ շենքի մեկ մուտքը փլուզվել է: Պաշտոնական մեկնաբանություններ դեռ չկան: