ԱՄՆ-ն մտահոգված է արմատական «Թալիբան» շարժման ձևավորած ժամանակավոր կառավարությունում որոշ պաշտոնյաների նշանակմամբ: Այդ մասին ՏԱՍՍ-ին հայտնել են պետքարտուղարության մամուլի ծառայությունից:
«Մենք նշում ենք, որ հայտարարված ցուցակը բաղկացած է բացառապես Թալիբան շարժման անդամներից կամ նրանց մերձավոր գործընկերներից, և այնտեղ կանայք չկան: Մենք նաև մտահոգված ենք դրանցից մի քանիսի կապերով և գրանցված պատմությամբ», – նշել է դիվանագետը:
Ինչպես ընդգծվել է արտաքին գործերի գերատեսչությունում, Վաշինգտոնը հասկանում է, որ խոսքը ժամանակավոր կառավարության մասին է, այնուամենայնիվ, կարևորվելու են գործողությունները, այլ ոչ թե խոսքերը:
