Երկուշաբթի 5,5 մագնիտուդ ուժգնությամբ երկրաշարժ է գրանցվել Ռուսաստանի և Մոնղոլիայի սահմանի մոտ: Այս մասին հայտարարել է Եվրոպական-միջերկրածովյան սեյսմոլոգիական կենտրոնը:
Երկրաշարժի էպիկենտրոնը գտնվել է Անգարսկից 269 կմ հարավ-արևմուտք (մոտ 225 հազար բնակիչ) և մոնղոլական Տուրտ բնակավայրից 23 կմ հարավ-արևմուտք, որտեղ ապրում է 2,1 հազար մարդ: Օջախը մոտ 10 կմ խորության վրա էր: Տուժածների և հնարավոր վնասների մասին տեղեկատվություն դեռ չի հաղորդվում:
Ինչպես լրագրողներին հայտնել են Իրկուտսկի Արտակարգ իրավիճակների նախարարության մամուլի ծառայությունից, երկրաշարժը զգացել են մի շարք շրջաններում Իրկուտսկի մարզի բնակիչները:
