Հունիսի 6-ին դաշնային գործակալները ձերբակալություններ են իրականացրել Վեստլեյքի Home Depot-ի կայանատեղիում և քաղաքապետարանից ընդամենը 2 մղոն հեռավորության վրա գտնվող Fashion District-ի հագուստի խանութում:
Գործողությունների արդյունքում ձերբակալվել է 44 մարդ, ևս մեկը՝ իրավապահ մարմինների աշխատանքին խոչընդոտելու համար։ Հատկապես վրդովմունք էառաջացրել Կալիֆոռնիայի ծառայությունների աշխատողների միջազգային միության ղեկավար Դեյվիդ Ուերտայի ձերբակալությունը, որը վիրավորվել էր, ինչն էլ զանգվածային բողոքի ցույցերի պատճառ է դարձել։
Հարյուրավոր մարդիկ հավաքվել էին «ICE Out of LA» գրությամբ պաստառներով՝ պահանջելով արհմիության առաջնորդին ազատ արձակել և խուզարկությունները դադարեցնել: Ոստիկանության հետ բախումները վերածվել են բռնության, ցուցարարները բետոնե շշեր են նետել ոստիկանների վրա, որոնք պատասխանել են լուսարձակող նռնակներով և արցունքաբեր գազով:
Լոս Անջելեսի քաղաքապետ Քարեն Բասը քննադատել է ICE-ի գործողությունները՝ ասելով, որ այդ մարտավարությունը «ահաբեկչություն է սերմանում համայնքներում»։
