Reuters-ին տված հարցազրույցում ԱՄՆ նախագահի ազգային անվտանգության հարցերով օգնական Դալիփ Սինգհը խոսել է ապրիլին Ռուսաստանի Դաշնության դեմ ԱՄՆ-ի սահմանած պատժամիջոցների արդյունքների մասին։
«Մեր նպատակն էր համաչափ գործել և նպատակային մոտեցում կիրառել, ինչպես նաև ազդանշան տալ այն մասին, որ մենք հնարավորություն ունենք ավելի մեծ վնաս հասցնել, եթե Ռուսաստանը շարունակի իր վարքը կամ սկսի էսկալացիան: Մինչ այժմ արդյունքները բավական մոտ են այն ամենին, ինչ մենք ակնկալում էինք», համոզված է ամերիկյան վարչակազմի պաշտոնյան:
Նրա խոսքերով, պատժամիջոցները Վաշինգտոնի` Մոսկվայի նկատմամբ առավել լայն ռազմավարության միայն մի մասն են: «Դա պարզապես գործիք է, որը կարող է նպաստել ռազմավարության առաջխաղացմանը, իսկ այս դեպքում ՝ լծակներ ստեղծել դիվանագիտական գործընթացի համար: Ռուսաստանի դեպքում այս գործընթացի նպատակը ավելի կայուն և կանխատեսելի հարաբերություններն են», ՏԱՍՍ-ը հաղորդում է Սինգհի խոսքերը:
