Ռուսաստանը չի ձգտում միակողմանի ռազմական առավելության ռազմավարական կայունության ոլորտում, հայտարարել է Ռուսաստանի նախագահ Վլադիմիր Պուտինը չորեքշաբթի Կրեմլի կայքում հրապարակված միջազգային անվտանգության հարցերով Մոսկվայի IX համաժողովի մասնակիցներին և հյուրերին ուղղված տեսաուղերձում: Նա նշել է, որ Ռուսաստանի Դաշնությունը երբեք իր կամքը չի թելադրում ուրիշ պետություններին:
«Մենք զարգացնում ենք մեր պաշտպանական ներուժը ողջամիտ բավարարության սկզբունքի հիման վրա և չենք ձգտում միակողմանի ռազմական առավելության և մեր օգտին ուժերի հավասարակշռության գերակայության, հատկապես այնպիսի զգայուն ոլորտում, ինչպիսին է ռազմավարական կայունությունը», ասել է Պուտինը։
Նա շեշտել է, որ Ռուսաստանը, այնուամենայնիվ, երբեք թույլ չի տա «որևէ մեկին այդ հավասարակշռությունը քաշել իր կողմը»:
