Զանգվածային պատվաստումների արշավի ընթացքում չինացի բժիշկները երկրի բնակիչների ավելի քան 800 միլիոն կորոնավիրուսային պատվաստումներ են կատարել: Այս մասին ասվում է չորեքշաբթի օրը Չինաստանի Ժողովրդական Հանրապետության հիգիենայի և առողջության պետական կոմիտեի հրապարակած հայտարարության մեջ:
2021 թվականի հունիսի 8-ի դրությամբ ՉԺՀ 31 վարչական միավորներում կատարվել է ընդհանուր առմամբ 808,962 միլիոն պատվաստում նոր տեսակի կորոնավիրուսի դեմ, ասված է գերատեսչության կայքում:
Ավելի վաղ ՉԺՀ առաջատար համաճարակաբան Չժուն Նանշանը տեղեկացրել էր իշխանությունների ծրագրերի մասին՝ մինչև հունիս պատվաստել հանրապետության բնակիչների մոտ 40%-ին, այսինքն՝ մոտ 560 միլիոն մարդու ավելի քան 1,4 միլիարդ մարդուց, հայտնում է ՏԱՍՍ-ը:
