Չինաստանի հարավ-արևելքում ջրհեղեղից տուժել է ավելի քան 1 միլիոն մարդ

Չինաստանի հարավ-արևելյան Ցզյանսի նահանգում ջրհեղեղի հետևանքները ազդեցություն են թողել ավելի քան 1 միլիոն մարդու կյանքի վրա: Այդ մասին հաղորդել է Սինհուա գործակալությունը ՝ վկայակոկչելով ջրհեղեղի և երաշտի դեմ պայքարի տարածաշրջանային շտաբը:

Ցզյանսիում ջրհեղեղի պատճառն ուժեղ անձրևներն էին, որոնք սկսվել են երկուշաբթի օրը: Ջրի հոսքերը ոչնչացրել են 156 տուն և վնասել 219-ը, ինչպես նաև հեղեղել գյուղատնտեսական մշակաբույսեր, որոնք զբաղեցնում էին 70 հազար հա տարածք:

Ըստ շտաբի, ջրհեղեղները 1 միլիարդ յուանի ​​(մոտավորապես 160 միլիոն դոլար) տնտեսական վնաս են հասցրել տարածաշրջանին: Օդերևութաբանական ծառայության տվյալներով՝ շաբաթ օրը անձրևներն աստիճանաբար կդադարեն: