Հյուսիսատլանտյան դաշինքը ուսումնասիրում է անհրաժեշտության դեպքում Սևծովյան տարածաշրջան զորքերն արագ տեղակայելու հնարավորությունը: Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը Բրյուսելում Հյուսիսատլանտյան խորհրդի՝ պաշտպանության նախարարների մակարդակով նիստի առաջին օրվան հաջորդած մամլո ասուլիսում։
«Մենք մեծացրել ենք մեր ներկայությունը Սևծովյան տարածաշրջանում՝ ծովում, օդում և ցամաքում՝ ի պատասխան Ռուսաստանի ագրեսիվ գործողությունների», – պնդում է արել նա։ Ստոլտենբերգի խոսքով՝ դաշինքի պաշտպանության նախարարները հինգշաբթի հաստատել են «ՆԱՏՕ-ի տարածքի պաշտպանության համապարփակ ծրագիրը»:
Ստոլտենբերգն ընդգծել է, որ դաշինքը ռազմավարական է համարում Սևծովյան տարածաշրջանը։ «ՆԱՏՕ-ի երեք երկիր ծովափնյա պետություններ են՝ Թուրքիան, Ռումինիան և Բուլղարիան: Մեր երկու կարևոր գործընկերները՝ Վրաստանը և Ուկրաինան, գտնվում են նույն տարածաշրջանում», – նրան մեջբերում է ՏԱՍՍ-ը:
