ՆԱՏՕ-ն որոշել է արմատապես մեծացնել իր ռազմական ներկայությունը Բալթյան տարածաշրջանում, Բալթյան տարածաշրջանում Հյուսիսատլանտյան դաշինքի երկրների գագաթնաժողովից հետո լրագրողներին ասել է Լեհաստանի վարչապետ Դոնալդ Տուսկը. հայտնում է «Ռիա Նովոստի»-ն։
«Ռուսական աճող ագրեսիան մեզ հուշում է որոշումներ կայացնել, որոնք ինչ-որ առումով աննախադեպ են, այս դեպքում մենք խոսում ենք Բալթիկ ծովում ՆԱՏՕ-ի արմատապես ուժեղացված ներկայության մասին», – ասել է նա:
Ինչպես հավելել է Տուսկը , խոսքը ստորջրյա և վերգետնյա ենթակառուցվածքների պաշտպանության մասին է։
« Բալթիկ ծովում , ինչպես հատակում, այնպես էլ մակերևույթում, մենք ունենք լայնածավալ ենթակառուցվածք՝ սկսած մալուխներից և գազատարներից մինչև արտադրական հարթակներ և հողմակայաններ», – ասել է Լեհաստանի վարչապետը:
Նրա խոսքով՝ իրենք դեռ չեն կողմնորոշվել, թե որ երկրները և ինչ ձևով կուժեղացնեն իրենց ներկայությունը Բալթյան երկրներում։
« Լեհական նավատորմը , ինչպես գիտեք, սահմանափակ հնարավորություններ ունի», – բացատրել է Տուսկը:
Բացի այդ, Լեհաստանի վարչապետն ասել է, որ ՆԱՏՕ-ի երկրները ցանկանում են իրենց իրավունք տալ վերահսկել նավերը Բալթյան չեզոք ջրերում։
Միաժամանակ նա պնդում է, որ հանդիպման բոլոր մասնակիցները համաձայն են այս դիրքորոշման հետ։
Բալթիկ ծովում ենթակառուցվածքների վնասման դեպքեր են տեղի ունեցել 2024թ. նոյեմբերիբ, երբ կտրվեց C-Lion1 հեռահաղորդակցության մալուխը Ֆինլանդիայի և Գերմանիայի միջև , ինչպես նաև Շվեդիայի և Լիտվայի միջև կապի մալուխը: Իշխանությունները միջադեպի մեջ կասկածել են չինական Yi Peng 3 բեռնանավը։
Դեկտեմբերին վնասվել են Ֆինլանդիայի և Էստոնիայի միջև EstLink 2 հոսանքի մալուխը, ինչպես նաև Ֆինլանդիան Էստոնիայի և Գերմանիայի հետ կապող չորս կապի մալուխներ: Իրավապահ մարմինների ներկայացուցիչները կասկածում են, որ Կուկի կղզիների դրոշակակիր Eagle S լցանավը Ֆիննական ծոցում խարիսխով վնասել է մալուխները:
SVT հեռարձակողը, վկայակոչելով Շվեդիայի քաղաքացիական պաշտպանության նախարար Կառլ-Օսկար Բոհլինին, երեքշաբթի հայտնել է, որ Շվեդիայի և Ֆինլանդիայի միջև Բալթիկ ծովում գտնվող ևս մեկ սուզանավային մալուխը վնասվել է անհայտ պատճառներով:
ՌԴ ԱԳՆ պաշտոնական ներկայացուցիչ Մարիա Զախարովան հույս է հայտնել, որ հետաքննությունը կավարտվի, և արևմտյան լրատվամիջոցների հիստերիան Բալթիկ ծովում մալուխների վնասման ենթադրյալ ռուսական և չինական հետքերի շուրջ կմարի։
