Լիբանանի «Հըզբոլլահ» շարժման գլխավոր քարտուղար Շեյխ Նաիմ Քասեմը «Էքթեդար» ամսագրին տված հարցազրույցում նշել է, որ «Հըզբոլլահը» Ամալ շարժման և այլ դաշնակիցների հետ Լիբանանում ներկայացնում է հզոր և ազդեցիկ ուժ բոլոր մակարդակներում. գրում է IRNA-ն։
«Մենք կգործենք մեր ազգային նախագծի հիման վրա՝ Լիբանանի ինքնիշխանության և անկախության պաշտպանությանը համապատասխան», – հավելել է նա։
«Հեզբոլլահ»-ի գլխավոր քարտուղարը շեշտել է, որ կազմակերպությունը կհամագործակցի գործընկերների, կուսակցությունների և բնակչության տարբեր շերտերի հետ՝ երկրի տնտեսական վերածննդի և իսրայելական ռեժիմի կողմից ավերվածի վերականգնման համար, ինչպես նաև ջանքեր կգործադրի ապօրինի բռնագրավված ունեցվածքը ժողովրդին վերադարձնելու և կոռուպցիայի ու կոռումպացված պաշտոնյաների դեմ պայքարելու համար։
Իր ելույթի մեկ այլ մասում նա նշել է, որ Լիբանանի դիմադրությունը, շարունակելով իր ազատագրական ծրագիրը, կբախվի մարտահրավերների հետ և կմերժի օկուպացիայի, բնակավայրերի կառուցման և սիոնիստական ռեժիմի հետ հարաբերությունների կարգավորման ցանկացած ձև։
