Ճապոնիան հայտարարեց կորոնավիրուսի հետ կապված արտակարգ ռեժիմի ամբողջական չեղարկման մասին
Փորձագիտական հանձնաժողովի նիստի ժամանակ Ճապոնիայի վարչապետ Յոսիհիդե Սուգան պաշտոնապես հայտարարել է մինչև սեպտեմբերի 30-ը կորոնավիրուսի հետ կապված արտակարգ ռեժիմի ամբողջական վերացման մասին: Ներկայումս արտակարգ ռեժիմը գործում է 47 պրեֆեկտուրաներից 19-ում, հայտնում է ՌԻԱ գործակալությունը:
Գրեթե բոլոր պրեֆեկտուրաներում վարակման դեպքերի թիվը, բուժհաստատությունների բեռնվածությունը, ծանր դեպքերի թիվն իջել է այնպիսի մակարդակի, որը թույլ է տալիս սեպտեմբերի 30-ից հետո վերացնել սահմանափակումները:
