Գերմանիայի արտաքին գործերի նախարար Հայկո Մաասը ՀԱՄԱՍ-ին մեղադրել է Մերձավոր Արևելքում սրման մեջ և համոզմունք հայտնել, որ միայն քաղաքական լուծումը տարածաշրջանում կայուն խաղաղություն կբերի:
«ՀԱՄԱՍ-ը կանխամտածված կերպով և գիտակցաբար հրահրել է վերջին էսկալացիան՝ անկանոն արձակելով ավելի քան հազար հրթիռ Իսրայելի քաղաքների ուղղությամբ ՝ լիովին հասկանալով դրա հետևանքները», ՏԱՍՍ-ի հաղորդմամբ, ասել է նախարարը հինգշաբթի օրը: «Ով այդպես չափերից դուրս է գործում, պատասխանատու է նաև այն հումանիտար ահավոր հետևանքների համար, որոնք այժմ զգում են երկու կողմերի հարյուր հազարավոր մարդիկ: Իսրայելը պաշտպանվում է, քանի որ ստիպված է դա անել», ասել է Մաասը:
Հակամարտության ընդլայնման հետ կապված նա ասել է, որ «հուսով է՝ դրան այլ պետություններ չեն մասնակցի»։
