Իսրայելը մտադիր է ԱՄՆ-ից 1 միլիարդ դոլարի շտապ ռազմական օգնություն պահանջել իր «Երկաթե գմբեթ» ՀՕՊ համակարգի համար, Fox հեռուստաընկերության եթերում հայտարարել է ԱՄՆ Կոնգրեսի Սենատի անդամ Լինդսի Գրեմը (հանրապետական, Հարավային Կարոլինա նահանգից):
«Որքանով հասկանում եմ, վաղը (չորեքշաբթի) կամ հինգշաբթի իսրայելցիները Պենտագոնից կխնդրեն 1 միլիարդ դոլար [ռազմական] օգնություն Երկաթե գմբեթի մարտկոցների վրա [ծախսված զինամթերքը և այլն] լրացնելու համար, որոնք օգտագործվել են [օրերս] Իսրայելին պաշտպանելու համար [պաղեստինյան զինված խմբավորումների հրթիռային հարձակումներից]», ասել է ամերիկացի օրենսդիրը: Նա այժմ գտնվում է Իսրայելում:
