Ռուսաստանի և ԱՄՆ նախագահներ Վլադիմիր Պուտինի և Ջո Բայդենի հանդիպումը, որը տեղի կունենա հունիսի 16-ին Ժնևում, կարևոր է Մերձավոր Արևելքում կայունության համար: Այս կարծիքը չորեքշաբթի օրը ՏԱՍՍ-ի թղթակցին հայտնել է Թուրքիայի արտաքին գործերի նախարարության դիվանագիտական աղբյուրը:
«Երկու խոշոր պետությունների միջև երկխոսության հաստատումն ու բանակցությունների միջոցով խնդիրների հաղթահարումը կարևոր է երկու երկրների և [Մերձավոր Արևելքի] տարածաշրջանի կայունության համար: Սա կարող է նաև դրական ազդեցություն ունենալ եվրոատլանտյան կազմակերպությունների և ՌԴ-ի միջև հարաբերությունների վրա», կարծում է գործակալության զրուցակիցը:
Սա կլինի Պուտինի ու Բայդենի առաջին անձնական հանդիպումը վերջինիս՝ Միացյալ Նահանգների նախագահի պաշտոնը ստանձնելուց ի վեր:
