«Թալիբան» շարժման ներկայացուցիչները նախկինում հավաստիացրել էին Չինաստանի կառավարությանը, որ մտադիր են պայքարել «Արևելյան Թուրքեստանի իսլամական շարժման» և Աֆղանստանում գործող այլ ահաբեկչական կազմակերպությունների դեմ: Այս մասին այսօր ճեպազրույցի ժամանակ հայտարարել է ՉԺՀ ԱԳՆ պաշտոնական ներկայացուցիչ Հուա Չունյինը:
«Արևելյան Թուրքեստանի իսլամական շարժումը» ՄԱԿ-ի Անվտանգության խորհրդի կողմից ճանաչվել է որպես միջազգային ահաբեկչական կազմակերպություն: Դա ուղղակի սպառնալիք է ներկայացնում Չինաստանի համար, և դրա դեմ պայքարելը միջազգային պարտավորություն է», ասել է նա:
«Նոր ռեժիմը պետք է հեռանա ահաբեկչական ուժերից, պայքարի «Արևելյան Թուրքեստանի իսլամական շարժման» դեմ և հակազդի դրան ու մյուս ահաբեկչական կազմակերպություններին», ՉԺՀ ԱԳՆ ներկայացուցչի խոսքերը մեջբերում է ՏԱՍՍ-ը:
