«Հայաթ Թահրիր Աշ-Շամ»-ի գրոհայինները պատրաստվում են քիմիական հարձակման բեմականացում իրականացնել Իդլիբի ապաէսկալացման գոտում՝ Սիրիայի նախագահի երդմնակալության օրը: Այս մասին հայտարարել է Սիրիայում պատերազմող կողմերի հաշտեցման ռուսական կենտրոնի փոխղեկավար Վադիմ Կուլիտը:
Նրա խոսքով՝ սադրանքը հավանաբար տեղի կունենա հուլիսի 17-ին՝ «Սիրիայի նախագահի երդմնակալության օրը»:
Նա պարզաբանել է, որ ահաբեկիչները ծրագրում են քիմիական հարձակում բեմականացնել Սերաքաբ և Խան Շեյխուն բնակավայրերի տարածքներում ՝ «Սպիտակ սաղավարտներ» կեղծ հումանիտար կազմակերպության և տեղական լրատվամիջոցների ներգրավմամբ, որոնք նկարահանումներ կիրականացնեն Սիրիայի կառավարությանը մեղադրելու համար:
