Կառավարության քարոզիչները շարունակում են պնդել, թե իբր մեր ինքնիշխանությունը չի խախտվելու. Արթուր Խաչիկյան

Եվ այնուամենայնիվ, խոստովանեցի՛ն:

Եթե հիշում եք, անցյալ ամառ, երբ ես ասացի, որ մենք հանձնել ենք մեր ինքնիշխանությունը և հանձնել ենք Մեղրին, իմ և իմ գործընկերների վրա շղթայազերծվեցին իշխանամետ բոլոր շնիկներն ու կատուները:

Եվ ահա, մեկ տարի անց, մենք ունենք այսպես կոչված կառավարության այսպես կոչված նախարարի խոստովանությունը: Նա ընդունում է, որ Զանգեզուրի միջանցքի վերաբերյալ համաձայնագիրը գերակայելու է հայկական օրենքների նկատմամբ: Միևնույն ժամանակ, այս կառավարության քարոզիչները շարունակում են պնդել, թե իբր մեր ինքնիշխանությունը չի խախտվելու:

Սա նույնն է, ինչ մարդուն դուրս շպրտես իր բնակարանից, վերցնես նրա բանալիները, ասես, որ նա այնտեղ չհայտնվի, և միևնույն ժամանակ հայտարարես, թե նրա սեփականության իրավունքը չի խախտվելու: Դժվար է ասել, թե ովքեր են ավելի հիմար՝ նրանք, ովքեր դա ասում են, թե՞ նրանք, ովքեր հավատում են դրան:

Ընթերցողներին խորհուրդ ենք տալիս պարզապես ցանկացած բառարանում փնտրել «ինքնիշխանություն» բառի սահմանումը:

Արթուր Խաչիկյան, ԱՄՆ Սթենֆորդի համալսարանի քաղաքագիտության դոկտոր