Երկրի վրա կլիմայական փոփոխությունների պատճառով հավերժական սառցույթի հալելը կարող է արթնացնել մարդկանց համար վտանգավոր նոր վիրուսներ: Այս մասին շաբաթ օրը NAUKA 0+ համառուսաստանյան գիտական փառատոնին հայտարարել է Խաղաղության Նոբելյան մրցանակի դափնեկիր Ռաե Կվոն Չունգը:
«Կլիմայի փոփոխությունը կարող է բազմաթիվ խնդիրներ առաջացնել: COVID-19-ը միայն մեկ վիրուս է: Մենք կարող ենք ակնկալել նոր վիրուսների առաջացում, որոնք կհայտնվեն Սիբիրում և Կանադայում սառույցի հալման արդյունքում, այսինքն՝ հավերժական սառցույթի գոտում: Մենք չգիտենք, թե ինչ վիրուսներ «կարթնանան» սառույցի հալման արդյունքում», – ասել է Չունգը:
Նրա խոսքով՝ անհրաժեշտ է համատեղ ուժերով զսպել գլոբալ տաքացումը: Այդ նպատակին հասնելու համար, ինչպես նշել է փորձագետը, երկրները պետք է ներդնեն «կլիմայական» տնտեսության սկզբունքներ, որոնց դեպքում պետությունները կվճարեն իրենց ածխածնային արտանետումների համար:
