Գերմանիայում տարբեր երկրների հինգ քաղաքացիների կասկածել են ԻՊ-ի հետ կապ ունենալու մեջ

Գերմանացի ոստիկանները հատուկ գործողություն են իրականացրել Հյուսիսային Ռայն-Վեստֆալիա դաշնային նահանգի Դուրեն շրջանում «Իսլամական պետություն» ահաբեկչական խմբավորման ենթադրյալ աջակիցների դեմ, հայտնում է ՌԻԱ գործակալությունը։

«Դուրեն թաղամասում բնակվող 16-ից 22 տարեկան հինգ կասկածյալների նկատմամբ պետությանը սպառնացող բռնության լուրջ գործողություն նախապատրաստելու կասկածանքով մոտ 350 ոստիկան այսօր խուզարկություն է իրականացրել»,- ասված է Դյուսելդորֆի գլխավոր դատախազության և Քյոլնի ոստիկանության համատեղ հայտարարության մեջ։

Կասկածյալների թվում կան գերմանա-ռուսական քաղաքացիություն ունեցող երկու անձինք։ Երկու կասկածյալներ Գերմանիայի քաղաքացիներ են (մեկը 16 տարեկան, մյուսը՝ 22), մեկը՝ Թուրքիայի քաղաքացի (18 տարեկան)։ Այս բոլոր անձինք կասկածվում են ահաբեկչության նախապատրաստման համար ԻՊ-ի քարոզչական նյութեր օգտագործելու մեջ։