Բունդեսվերը ստեղծել է տիեզերքում գործողությունների համակարգման հրամանատարական կենտրոն
Գերմանիայի պաշտպանության նախարար Աննեգրետ Կրամպ-Կարենբաուերը հայտարարել է Բունդեսվերի՝ ռազմա-տիեզերական գործողությունները համակարգող միասնական հրամանատարական կենտրոն ստեղծելու մասին:
Ուդեմ քաղաքում (Հյուսիսային Ռայն-Վեստֆալիա) կենտրոնի բացման ժամանակ նախարարը բացատրել է, որ դրա հիմքի վրա կգործի օդային գործողությունների կենտրոնի հատուկ հրամանատարություն: Հիմնական խնդիրներն են արբանյակների պաշտպանությունը և մշտադիտարկումը, տիեզերական վտանգավոր աղբի մշտադիտարկումը, ինչպես նաև այլ պետությունների գործունեությանը հետևելը: Այսպիսով, ենթակառուցվածքների ՝ կապի, եղանակի և նավիգացիայի համար արբանյակների պաշտպանությունը դառնում է ռազմական խնդիր:
