ՕՊԵԿ+-ի որոշումները հիմք են տալիս հուսալու, որ համաշխարհային տնտեսությունը սահուն կերպով կվերադառնա նորմին. Պուտին

109

ՕՊԵԿ+-ի որոշումները հիմք են տալիս հուսալու, որ համաշխարհային տնտեսությունը սահուն կերպով կվերադառնա նորմին: Նման կարծիք է հայտնել Ռուսաստանի նախագահ Վլադիմիր Պուտինը ներդրումային ակտիվության բարձրացման միջոցառումների վերաբերյալ խորհրդակցության ժամանակ, փոխանցում է ՏԱՍՍ-ը:

«Կարծում եմ, որ վերջերս ՕՊԵԿ+- ի շրջանակներում ընդունված որոշումները, այնուամենայնիվ, հիմք են տալիս մեզ հավատալու, որ համաշխարհային տնտեսության անցումը բնականոն ռեժիմին սահուն, հանգիստ եւ կայուն կերպով կընթանա: Առավել եւս, որ [փոխվարչապետ Ալեքսանդր] Նովակին հաջողվել է բարենպաստ պայմաններ ստեղծել մեր արդյունաբերության աշխատանքի համար` արտահանման աստիճանական աճով»,- ասել է Պուտինը:

«Հուսանք, որ այստեղ կտրուկ շարժումներ չեն լինի»,- հավելել է պետության ղեկավարը: