ՉԺՀ Ֆինանսների նախարարությունը և Արտակարգ իրավիճակների նախարարությունը 10 մլն յուան (մոտ $ 1,55 մլն դոլար) են հատկացրել հարավ-արևմտյան Յունյան նահանգում և արևմտյան Ցինհայ նահանգում տեղի ունեցած երկրաշարժերից տուժածներին: Այս մասին նշված է շաբաթ օրը հրապարակված երկու գերատեսչությունների համատեղ հայտարարության մեջ:
Փաստաթղթի համաձայն, միջոցները կօգտագործվեն տեղական իշխանություններին աջակցելու համար`ցնցումների հետևանքները վերացնելու և տուժածների համար պատշաճ կենցաղային պայմաններ ապահովելու ուղղությամբ աշխատանքներ իրականացնելու գործում:
Բացի դրանից, Արտակարգ իրավիճակների նախարարությունը, ՉԺՀ սննդի և նյութական պաշարների պետական վարչակազմի հետ միասին, շտապ Յունյան նահանգում երկրաշարժից տուժած տարածքներ է ուղարկել 5,000 վրան, 10,000 ծալովի մահճակալ և 20,000 վերմակ:
