Առնվազն երկու մարդ է զոհվել, երկուսը վիրավորվել են Միացյալ Նահանգների Տեխաս նահանգի Ֆարմերսվիլ քաղաքից հյուսիս գտնվող գազատարի պայթյունի հետևանքով: Այս մասին հաղորդել է NBC հեռուստաալիքի տեղական մասնաճյուղը ՝ վկայակոչելով նահանգի իշխանություններին:
Ինչպես նշել է Քոլին շրջանի շերիֆը, միջադեպը, ամենայն հավանականությամբ, դժբախտ պատահար էր, սակայն տեղի ոստիկանությունը օգնության խնդրանքով դիմել է ՀԴԲ-ին, քանի որ վերջինիս աշխատակիցները պայթյունի վայրերում աշխատելու ավելի մեծ փորձ ունեն: Դեպքից շուրջ երկու ժամ անց իշխանությունները հայտարարեցին, որ տարածքն անվտանգ է, բայց բնակիչներին խորհուրդ են տվել չմոտենալ դեպքի վայրին:
