Վրաստանը Թբիլիսիի օդանավակայանում տեղակայել է ՆԱՏՕ-ի ինքնաթիռներ: Այս մասին հայտնում է «Sputnik Վրաստան»-ը:
«ՆԱՏՕ-ի ռազմա-տրանսպորտային կազմակերպության բեռնատար ինքնաթիռները տեղակայված են Թբիլիսիի օդանավակայանում, որոնք ամեն օր թռչում են Քաբուլ», — հայտնում է լրատվական գործակալության Telegram ալիքը:
Երկիրը կհյուրընկալի Աֆղանստանից տարհանված միջազգային կազմակերպությունների աշխատակիցներին և ընտանիքների անդամներին: Աֆղանստանից տարհանված աշխատակիցների ժամանակավոր տեղավորման բոլոր ծախսերը վճարում են միջազգային կազմակերպությունները, նշել է գործակալությունը:
Ըստ Վրաստանի արտգործնախարարության՝ Աֆղանստանից տարհանվածները ժամանակավորապես գտնվում են Վրաստանում, այնուհետև նրանք կուղևորվեն այլ երկրներ: Մինչ այժմ Վրաստանի տարածքով այլ երկրներ արդեն տարհանվել է մինչև 2 հազար մարդ:
