Վիետնամցի գիտնականները հայտնաբերել են կորոնավիրուսի նոր շտամ, որը բրիտանական և հնդկական շտամների հիբրիդ է: ՏԱՍՍ-ի հաղորդմամբ, այդ մասին հայտարարել է հանրապետության առողջապահության նախարար Նգուեն Թան Լոնգը։
Նախարարի խոսքերով՝ նոր շտամը դեռևս անուն չի ստացել: Մասնագետները պարզել են, որ այն ավելի վարակիչ է և հեշտությամբ փոխանցվում է օդով:
«Վիետնամի առողջապահության նախարարությունը նոր շտամը կներառի կորոնավիրուսի գենոմի համաշխարհային քարտեզում», ասել է Նգուեն Թան Լոնգը: Առողջապահության նախարարության ղեկավարը նշել է նաև, որ հենց վիրուսի նոր շտամն է հանգեցրել զանգվածային վարակումների Վիետնամի հյուսիսային նահանգներում:
