Ստոլտենբերգ. Չինաստանի տնտեսական զարգացումը վտանգ է ներկայացնում ՆԱՏՕ-ի համար

284

Չինաստանի տնտեսական զարգացումն ու Ռուսաստանի հետ ավելի սերտ համագործակցությունը վտանգ են ներկայացնում ՆԱՏՕ-ի համար, հայտարարել է ՆԱՏՕ-ի գլխավոր քարտուղար Յենս Ստոլտենբերգը Լիսաբոնում ՆԱՏՕ-ի Խորհրդարանական վեհաժողովի նիստում:

«Չինաստանի աճը կարևորություն ունի մեր անվտանգության համար: Մենք տեսնում ենք, որ նրանք փորձում են վերահսկել կրիտիկական ենթակառուցվածքը: Մենք տեսնում ենք նրանց [գործունեությունը] կիբեռանվտանգության ոլորտում: Չինաստանը ձգտում է դառնալ աշխարհի առաջատար տնտեսություն` զգալի առաջընթաց գրանցելով կործանարար տեխնոլոգիաներ ստեղծելու և մեծ գումարներ ներդնելով միջուկային կարողություններում՝ ավելի ու ավելի սերտորեն համագործակցելով Ռուսաստանի հետ», – ասել է նա:

«Ես կողմ չեմ, որ ՆԱՏՕ-ն դառնա համաշխարհային դաշինք, ինչը կնշանակեր անդամակցություն աշխարհի բոլոր երկրներից: Բայց կարծում եմ, որ, որպես տարածաշրջանային դաշինք, մենք պետք է դիմակայենք գլոբալ սպառնալիքներին», – նրա խոսքերը հայտնում է ՏԱՍՍ-ը: