Ռուսաստանը, Տաջիկստանը և Ուզբեկստանը զորավարժություններ կանցկացնեն՝ կապված Աֆղանստանից ԱՄՆ-ի և ՆԱՏՕ-ի զորքերի դուրսբերման ֆոնին առաջացող սպառնալիքների հետ, հայտարարել է ՌԴ պաշտպանության նախարար Սերգեյ Շոյգուն:
Այսօր Տաջիկստանի պաշտպանության նախարար Շերալի Միրզոյի հետ հանդիպման ժամանակ նա նշել է, որ «ստեղծվում են տարբեր ռիսկեր և անվտանգության սպառնալիքներ», հայտնում է ՏԱՍՍ-ը: «Բայց, այնուամենայնիվ, ինչպես ՀԱՊԿ -ում, այնպես էլ Շանհայի համագործակցության կազմակերպության շրջանակներում, մենք պետք է ոչ միայն հարցեր քննարկենք, այլև համապատասխան որոշումներ և միջոցներ ձեռնարկենք՝ ապահովելու Հավաքական անվտանգության պայմանագրի երկրների սահմանների և տարածքների անվտանգությունը: Հուսով եմ, որ այս բոլոր հարցերը կքննարկեմ ձեզ հետ», ասել է Շոյգուն՝ նշելով, որ մեծ աշխատանք է տարվում տաջիկա-աֆղանական սահմանի անվտանգության ապահովման ուղղությամբ:
