Պենտագոնի խոսնակ Ջոն Քիրբին Fox News-ի եթերում մտահոգություն է հայտնել Աֆղանստանում իրավիճակի վերաբերյալ:
«Մենք, իհարկե, խորը մտահոգությամբ ենք դիտում, թե ինչպես է վատթարանում իրավիճակը Աֆղանստանում, բռնությունները, որոնք շատ աճել են, ինչպես նաև ներկայումս «Թալիբան»-ի հարձակումները», ասել է նա՝ մեկնաբանելով թալիբների կողմից երկրի նոր տարածքների գրավման մասին տվյալները:
«Մենք տեղյակ ենք այդ մասին, մենք ուշադիր հետևում ենք դրան և աշխատում ենք աֆղան գործընկերների հետ՝ համոզվելու, որ նրանք կօգտագործեն այն հնարավորությունները, որոնք որքան գիտենք՝ նրանք ունեն: Եթե նրանք ուզում են պաշտպանել իրենց երկիրը, ապա ժամանակը եկել է», ասել է Քիրբին:
