Աֆղանստանից ՆԱՏՕ-ի զորակազմի դուրսբերումից հետո ԱՄՆ-ն փորձում է սեփական լոգիստիկ կառույցները ստեղծել Կենտրոնական Ասիայի մի շարք երկրներում`իր օբյեկտների և ռազմակայանների հետագա տեղակայման նպատակով, ինչը սպառնում է տարածաշրջանում անկայունության խորացմամբ: ՏԱՍՍ-ի համաձայն, այդ մասին հայտարարել է Ռուսաստանի պաշտպանության նախարար Սերգեյ Շոյգուն:
Նրա խոսքով՝ ռուս զինվորականները տեղյակ են նման փորձերից: «Մենք գտնում ենք, որ դա ոչ մի լավ բանի չի հանգեցնի, բայց կարող է հանգեցնել միայն տարածաշրջանում Դաշինքի երկարաժամկետ ներկայության և լրացուցիչ անկայունության», ասել է նախարարը: Այս համատեքստում, նշել է նա, «չափազանց կարևոր է մշտական խորհրդակցություններ անցկացնել երկրների միջև՝ կանխելու դեպի Շանհայի համագործակցության կազմակերպության պետությունների տարածք ապակայունացնող գործընթացների արտահոսքը»:
