Մոտ 300 մարդ տուժել է հինգշաբթի երեկոյան Չեխիայի հարավ-արևելքում գտնվող Բրժեցլավ և Հոդոնին քաղաքների տարածքներում տեղի ունեցած պտտահողմի պատճառով: Չեխական հեռուստատեսության տվյալների համաձայն ՝ 32,000 ընտանիք մնացել է առանց էլեկտրականության:
Նշվում է, որ Հոդոնին քաղաքի հիվանդանոցը, որի մոտ պտտահողմը մասամբ ավերել է յոթ գյուղ, բժշկական օգնություն է ցուցաբերել 200 տուժածի, այդ թվում՝ երեխաների ու դեռահասների: Տորնադոյի պատճառով զոհվել է առնվազն երեք մարդ։
Չեխիայի վարչապետ Անդրեյ Բաբիշը, որը մասնակցում էր Բրյուսելում ԵՄ գագաթաժողովին, աղետն անվանել է «հսկայական ողբերգություն»:
