Կանադան ժամանակավորապես չի կիրառի Johnson & Johnson ընկերության Janssen դուստր ձեռնարկության հակակորոնավիրուսային պատվաստանյութի առաջին խմբաքանակը՝ ԱՄՆ-ում դեղերի արտադրության ձեռնարկության փակման ֆոնին, դրանց որակի վերաբերյալ մտավախությունների պատճառով։
SHANTNEWS.am-ի փոխանցմամբ, այս մասին հայտնում է երկրի առողջապահության նախարարությունը:Ավելի վաղ Միացյալ Նահանգների սննդի և դեղորայքի սանիտարական վերահսկողության վարչությունը (FDA) հայտնել էր, որ հայտնաբերել է վերոնշյալ ընկերության պատվաստանյութերի զանգվածային աղտոտման դեպքեր:Կանադայի առողջապահության նախարարության տվյալներով՝ դեղորայքը, որն արտադրվել է Բալթիմորի Emergent ձեռնարկությունում, օգտագործվել է Janssen-ի արտադրության մեջ:Նախարարությունն ընդգծել է, որ նախքան երկրում պատվաստանյութի բաշխումն իրականացնելն աշխատանք է տանում Janssen-ի և FDA-ի հետ գնահատականների ամբողջացման համար անհրաժեշտ տեղեկություններ ստանալու նպատակով:
