Մեծ յոթնյակի, ՆԱՏՕ-ի և ԱՄՆ-ԵՄ ձևաչափով գագաթաժողովները կբնութագրեն «ուղեղի վիճակը» Արևմուտքում: Այս մասին չորեքշաբթի օրը հայտարարել է Ռուսաստանի արտաքին գործերի նախարար Սերգեյ Լավրովը, որի խոսքերը հաղորդում է ՏԱՍՍ-ը։
«Արևմտյան առաջատար երկրներում ուղեղի վիճակի ցուցանիշ, իհարկե, կլինեն Մեծ յոթնյակի, ՆԱՏՕ-ի և Միացյալ Նահանգներ-Եվրամիություն ձևաչափով առաջիկա գագաթաժողովների արդյունքները», ասել է նա:
Ինչպես նշել է Լավրովը, ոչ միայն Ռուսաստանը, այլև շատ այլ երկրներ կանգնած են այն փաստի առաջ, որ «Արևմուտքի ներկայացուցիչները պատրաստ չեն փաստերի վրա հիմնված ազնիվ երկխոսության»:
