Ռուսաստանի արտգործնախարար Սերգեյ Լավրովը հունիսի 30-ին բանակցություններ կվարի Թուրքիայի արտգործնախարար Մևլութ Չավուշօղլուի հետ: Այս մասին ասվում է ՌԴ ԱԳՆ հաղորդագրության մեջ:
«Հունիսի 30-ին Ռուսաստանի արտգործնախարար Սերգեյ Լավրովը կայցելի Անթալիա ՝ բանակցելու Թուրքիայի արտգործնախարար Մևլութ Չավուշօղլուի հետ: Հանդիպման ընթացքում նախարարները կքննարկեն երկկողմ հարաբերությունների զարգացման վիճակն ու հեռանկարները, ինչպես նաև տարածաշրջանային և միջազգային օրակարգի արդիական հարցեր», ասվում է փաստաթղթում։
Նախարարները կքննարկեն նաև Թուրքիայում Սպուտնիկ V կորոնավիրուսային պատվաստանյութի արտադրության շուտափույթ կարգավորման և հանրապետություն ժամանող Ռուսաստանի քաղաքացիների առողջության պահպանման հարցը:
