ԱՄՆ նախագահը կոչ է արել ԻՀՊԿ-ին վայր դնել զենքերը՝ փոխարենը խոստանալով նրանց կյանքը պահպանել։ ԻՀՊԿ-ն էլ հայտնում է, որ լայնածավալ հարվածներ է հասցրել Նաթանյահուի կեցավայրին և ռազմավարական պլանավորման օբյեկտներին։
ԱՄՆ-ի նախագահը պաշտոնապես հայտարարել է, որ ունեն երեք զոհ և նշել է, որ կարող է զոհերի թիվը աճել։ Նշենք նաև, որ տարածաշրջանում ոտքի են կանգնել շիաները, այդ թվում՝ Իրաքում, Պակիստանում և Հնդկաստանում։ Տեղի են ունենում հարձակումներ ամերիկյան ներկայացուցչությունների վրա։
Ըստ Թրամփի՝ ևս երեք երկիր կմիանա հակաիրանական կոալիցիային։ Ակնհայտ է, որ դրանցից մեկը Մեծ Բրիտանիան է, իսկ մյուս երկուսը, հավանաբար, արաբական երկրներ կլինեն։
ԱՄՆ նախագահը նաև կոչ է արել Իրանի ժողովրդին դուրս գալ փողոց և տապալել համակարգը՝ նշելով, որ սա նրանց համար եզակի հնարավորություն է՝ փոխելու իրենց կյանքը։ ԱՄՆ նախագահի պնդմամբ՝ շուտով կլինեն ուղիղ բանակցություններ Իրանի հետ։
