Թուրքիան և Մեծ Բրիտանիան դեկտեմբերի 29-ին կստորագրեն ազատ առևտրի համաձայնագիր. հայտարարել է Թուրքիայի նախագահ Ռեջեփ Թայիփ Էրդողանը:
«Ես ուզում եմ ձեզ հայտնել մի կարևոր իրադարձություն` կապված մեր արտաքին առևտրի հետ: Հինգշաբթի սկսվում է ԵՄ-ից Բրիտանիայի դուրս գալու գործընթացը: Երկար բանակցություններից հետո մենք հասել ենք Միացյալ Թագավորության հետ ազատ առևտրի համաձայնագրի ստորագրման փուլին: Վաղը այն կստորագրվի»,- ասել է թուրք նախագահը:
Ավելի վաղ բրիտանական Financial Times թերթը հայտնել էր, որ երկու պետությունները մտադիր են ստորագրել ազատ առևտրի համաձայնագիր:
