TOLOnews-ի փոխանցմամբ, Աֆղանստանի վարչական բարեփոխումների և քաղաքացիական ծառայության անկախ հանձնաժողովի նախագահ Ահմադ Նադեր Նադերին գնահատել է թալիբների գործողությունների արդյունքները: Նրա համաձայն, «Թալիբան» արմատական շարժումը վնասել է Աֆղանստանի պետական հաստատությունները 500 միլիոն դոլարի չափով:
Նա նաև նշել է, որ շարժման կողմից վերահսկվող տարածքներում կանանց համար իսլամական վարքի նորմեր են ներդրվել, փակվել են աղջիկների դպրոցները:
«Թալիբան»-ը, սակայն, պնդում է, որ սահմանափակումների և նախագծերի դադարեցման մասին տեղեկությունները չեն համապատասխանում իրականությանը: Ըստ արմատական շարժման ներկայացուցիչների՝ շարունակում են տրամադրվել սոցիալական ծառայություններ, այդ թվում՝ բժշկական օգնություն, աշխատում են դպրոցներն ու գյուղատնտեսության ոլորտը:
