Ավելի քան 1,5 հազար զինծառայողներ Ռուսաստանից, Տաջիկստանից և Ուզբեկստանից կմասնակցեն Աֆղանստանից 20 կմ հեռավորության վրա գտնվող Հարբ-Մայդոնում զորավարժություններին, որոնք անցկացվելու են օգոստոսի 5-ից 10-ը: ՏԱՍՍ-ի համաձայն, այս մասին ասվում է Կենտրոնական ռազմական օկրուգի մամուլի ծառայության հայտարարության մեջ:
Տեքստում նշվում է, որ զինծառայողները մշակելու են ավազակային խմբավորումների ներխուժումից պաշտպանություն և «արմատական ահաբեկչական խմբավորումների» ոչնչացում: Զորավարժությունների բոլոր փուլերում կկիրառվեն մարտավարական գործողություններ հետախուզական-կրակային և հետախուզական-հարվածային համալիրների օգտագործմամբ:
«Ընդհանուր առմամբ, երեք երկրների մարտավարական գործողություններում ներգրավված կլինեն ավելի քան 1,5 հազար զինծառայողներ և շուրջ 300 միավոր զենք և ռազմական տեխնիկա», ասված է հայտարարության մեջ:
