Եվրոմիությունը համոզված է Թուրքիայի դեմ պատժամիջոցներ կիրառելու անհրաժեշտության մեջ: Սակայն, ինչպես բացատրել է Ֆրանսիայի արտաքին գործերի նախարարության եվրոպական հարցերով պետքարտուղար Քլեմենտ Բոնը, ԵՄ-ն միաձայն չէ այն հարցում, թե ինչ միջոցներ ձեռնարկել թուրքական կողմի դեմ:
«Անհատական պատժամիջոցներն ունեն խորհրդանշական ազդեցություն, դրանք ազդանշան են: Սեկտորալ պատժամիջոցների արդյունքում առաջացած տնտեսական ճնշումն է իսկապես արդյունավետ: Բայց այս պահին Եվրոպայում այդ ուղղությամբ միակարծություն չկա», ասել է Բոնը Le Journal du Dimanche-ին տված հարցազրույցում:
