Ներկայիս ամերիկյան վարչակազմը չի փորձում զսպել կամ կանխել Չինաստանի աճը, Լոնդոնում Մեծ Բրիտանիայի արտաքին գործերի նախարար Դոմինիկ Ռաաբի հետ համատեղ մամլո ասուլիսում հավաստիացրել է ԱՄՆ պետքարտուղար Էնթոնի Բլինկենը:
«Մեր նպատակը չէ՝ փորձել զսպել Չինաստանը կամ կանխել Չինաստանի աճը: Այն, ինչ մենք փորձում ենք անել, կանոնների վրա հիմնված միջազգային կարգի պահպանումն է, որում մեր երկրներն այսքան տասնամյակների ընթացքում բազմաթիվ ներդրումներ են արել՝ ի շահ, ես կասեի, ոչ միայն մեր քաղաքացիների, այլև ամբողջ աշխարհի մարդկանց, ներառյալ, ի դեպ, Չինաստանի», Բլինկենի խոսքերը հաղորդում է ՏԱՍՍ-ը։
