ԱՄՆ-ն Թունիսի նախագահին կոչ է արել նշանակել նոր վարչապետ

141

ԱՄՆ նախագահի ազգային անվտանգության հարցերով օգնականի տեղակալ Ջոնաթան Ֆայները և Մերձավոր Արևելքի հարցերով պետքարտուղարի օգնականի պաշտոնակատար Ջոուի Հուդը Թունիսում հանդիպել են նախագահ Կաիս Սաիդի հետ և նրան հայտնել նոր վարչապետ նշանակելու կարևորության մասին: ՏԱՍՍ-ի համաձայն, այս մասին ասված է Սպիտակ տան ազգային անվտանգության խորհրդի մամուլի ծառայության ղեկավար Էմիլի Հորնի գրավոր հայտարարության մեջ:

Ինչպես նշվում է տեքստում, ԱՄՆ պաշտոնյաները Թունիսի նախագահի հետ քննարկել են «վարչապետ նշանակելու անհապաղ անհրաժեշտությունը, վարչապետ, որը կձևավորի ընդունակ կառավարություն, որը կկարողանա արձագանքել Թունիսի հրատապ տնտեսական և առողջապահական ճգնաժամերին»:

Ֆայներն ու Հուդը Սաիդին փոխանցեցին ԱՄՆ նախագահ Ջո Բայդենի ուղերձը, որում ԱՄՆ նախագահը «կոչ է անում Թունիսին հնարավորինս շուտ վերադարձնել խորհրդարանական ժողովրդավարության ուղի»: