ԱՄՆ-ի և Ուկրաինայի պատվիրակությունները Էր-Ռիադում քննարկում են բանակցությունների վերջին փուլի ընթացքում Սև ծովում 30-օրյա հրադադարի և էներգետիկ ենթակառուցվածքներին չհարվածելու հարցը:
Այս մասին հայտնում է Bloomberg-ը ՝ հղում անելով իր աղբյուրին։
Ավելի վաղ Agence France-Presse-ը հայտնել էր , որ Վաշինգտոնի և Կիևի պատվիրակությունները երեքշաբթի օրը Սաուդյան Արաբիայի մայրաքաղաքում սկսել են բանակցությունների նոր փուլը։
Կողմերը քննարկում են նաև էներգետիկ ենթակառուցվածքների վրա հարձակումները 30 օրով դադարեցնելու հարցը։
Կրեմլի ներկայացուցիչ Պեսկովը հայտարարել է, որ առաջիկայում ՌԴ-ի, Ուկրաինայի և ԱՄՆ-ի ներկայացուցիչների հանդիպում չի սպասվում։
Էր Ռիադում ԱՄՆ-ի հետ խորհրդակցությունների ժամանակ ռուսական պատվիրակության ներկայացուցիչներ Գրիգորի Կարասինը և Սերգեյ Բեսեդան Մոսկվա կվերադառնան մարտի 25-ի երեկոյան։
Այս մասին «Ռոսիա-24» հեռուստաալիքի եթերում հայտարարել է Դաշնության խորհրդի միջազգային հարցերով կոմիտեի նախագահի առաջին տեղակալ Վլադիմիր Ջաբարովը։
Ջաբարովը նաև նշել է, որ Կարասինն իր հետ զրույցում այսպես է բնութագրել ԱՄՆ պատվիրակության հետ անցած բանակցությունները. «Ամեն ինչ բարդ էր, բայց կառուցողական»։
Մարտի 24-ին Էր Ռիադում ռուս-ամերիկյան խորհրդակցություններ են տեղի ունեցել, որոնք տևել են ավելի քան 12 ժամ։ Ռուսական պատվիրակությունը գլխավորում էին Դաշնային խորհրդի միջազգային հարցերով կոմիտեի նախագահ Գրիգորի Կարասինը և Անվտանգության դաշնային ծառայության տնօրենի խորհրդական Սերգեյ Բեսեդան։ Ամերիկյան պատվիրակության կազմում էին Ազգային անվտանգության խորհրդի Եվրոպայի գծով ավագ տնօրեն Էնդրյու Փիկը, Պետդեպարտամենտի քաղաքականության պլանավորման տնօրեն Մայքլ Անտոնը, ինչպես նաև Ուկրաինայի հարցով հատուկ բանագնաց Քիթ Քելլոգի և ազգային անվտանգության հարցերով խորհրդական Մայք Ուոլցը:
Հետևեք մեզ նաև Տելեգրամում։
