Վաշինգտոնը, զորքերը դուրս է բերում Աֆղանստանից, իսկ Քաբուլը չի ցանկանում «Թալիբան» շարժման հետ անցումային կառավարություն կազմել, ինչի արդյունքում երկրում առկա հակամարտությունը պետք է լուծվի բռնի ճանապարհով: ՏԱՍՍ-ի համաձայն, այս մասին հայտարարել է Ռուսաստանի արտաքին գործերի նախարար Սերգեյ Լավրովը:
«Թալիբներն իրենց ավելի ռազմատենչ են պահում, քանի որ համաձայնությունը ենթադրում էր անցումային կառավարության ձևավորում, որն այնուհետև պայմաններ կպատրաստի ավելի կայուն պետական կառույցների ձևավորման համար: Ցավոք, Քաբուլի ղեկավարները պատրաստ չեն անցումային ինչ-որ բան կազմակերպել: Նրանք վախենում են, որ դա իրենց կզրկի քաղաքական ակտիվ գործունեությունից:․․․ Նրանք և ամերիկացիները թողնում են, որ ամբողջ իրավիճակը լուծվի ուժով», ասել է նա:
«ԱՄՆ-ը ոչ միայն զորքեր է դուրս բերում Աֆղանստանից, այլ նրանց դուրս է բերում ՝ փաստացի ընդունելով իր քսանամյա առաքելության ձախողումը», հավելել է նախարարը: Նա նշել է, որ 2001-ին ԱՄՆ-ի և նրա դաշնակիցների գործողության մեկնարկից ի վեր ահաբեկչության և թմրանյութերի սպառնալիքները կտրուկ աճել են:
