ԱՄՆ վարչակազմը պատրաստ է սկսել երեխաներին պատվաստել կորոնավիրուսի դեմ արդեն հաջորդ շաբաթ՝ հիվանդությունների վերահսկման և կանխարգելման դաշնային կենտրոնի կողմից ամերիկյան Pfizer ընկերության և գերմանական BioNTech-ի արտադրած պատրաստուկի կիրառման հաստատումից հետո։ Այս մասին հայտարարել է նախագահ Ջո Բայդենը՝ ելույթ ունենալով Սպիտակ տանը։
«Ավելի քան 28 միլիոն երիտասարդ ամերիկացի այժմ պատվաստանյութ ստանալու իրավունք ունի», – ասել է նա: Բայդենն ընդգծել է, որ իշխանություններն «ապահովել են պատվաստանյութի բավարար չափաբաժիններ Ամերիկայում 5-ից 11 տարեկան յուրաքանչյուր երեխայի համար»։
ԱՄՆ-ում հնարավոր կլինի երեխաներին պատվաստել ամբողջ երկրում 20 հազար կետերում, այդ թվում՝ դպրոցներում, հիվանդանոցներում և դեղատներում։
