«Սպուտնիկ V» ռուսական պատվաստանյութի կլինիկական ուսումնասիրության երրորդ փուլի արդյունքների հրապարակումը The Lancet բժշկական ամսագրում ենթադրում է, որ պատրաստուկն արդյունավետ է կորոնավիրուսի դեմ պայքարում: Այս մասին հայտարարել է Ռուսաստանում Առողջապահության համաշխարհային կազմակերպության ներկայացուցիչ Մելիտա Վուինովիչը «Ռոսիա -24» հեռուստաալիքին տված հարցազրույցում:
«Մենք ողջունում ենք այդ հրապարակումը, որը շատ լավ խոսում է պատվաստանյութի արդյունավետության մասին», – ասել է նա:
Վույնովիչը հավելել է, որ առաջին հերթին ռիսկային խմբերի մարդիկ պետք է պատվաստվեն կորոնավիրուսի դեմ, դա կօգնի նվազեցնել մահացությունը:
Նա նաև շեշտել է, որ անհրաժեշտ է պատվաստանյութը տրամադրել այն երկրներին, որոնք չեն կարող գնել:
«ԱՀԿ-ն շատ ակտիվ ներգրավված է: Բոլոր երկրների հետ բանակցություններն ընթանում են ամենաբարձր մակարդակով, և մենք Ռուսաստանից աջակցություն ենք ակնկալում պատվաստանյութը տրամադրելու բոլոր նրանց, ովքեր դրա կարիքը ունեն», – ասել է ԱՀԿ-ի ներկայացուցիչը Ռուսաստանում:
