Երկուշաբթի առավոտյան համաշխարհային շուկաներում նավթի գները շարունակել են աճել 1%-ով: Վերլուծաբանները գտնում են, որ պատճառն ԱՄՆ-ում վառելիքի արտադրության վերականգնման հետ կապված անորոշությունն է:
Այսպես, Brent-ի մեկ բարելը թանկացել է 1,29%-ով և վաճառվել 63,72 դոլարով, իսկ WTI-ի ապրիլյան ֆյուչերսները թանկացել են՝ հասնելով մեկ բարելի դիմաց 59,93 դոլարի:
Ըստ «Ինտերֆաքս»-ի, ներդրողները տեսնում են, որ արդյունահանումը Տեխասում մասամբ վերսկսվել է, բայց լիարժեք վերականգնման հետ կապված որոշակիություն դեռևս չկա:
